- ఎయిమ్స్ అధికారులతో భువనగిరి ఎంపీ కిరణ్ కుమార్ రెడ్డి
బీబీనగర్, ముద్రణ ప్రతినిధి: బీబీనగర్లోని అఖిల భారత వైద్య విజ్ఞాన సంస్థ (ఎయిమ్స్) రోగుల సంఖ్య పెరుగుతున్న దృష్ట్యా అవుట్ పేషంట్ కౌంటర్లను మరిన్ని చేయాలని భువనగిరి పార్లమెంట్ సభ్యుడు చా కిరణ్ రెడ్డి ఎయిమ్స్ కార్యనిర్వాహక సంచాలకుడు ప్రొఫెసర్ డాక్టర్ వికాస్ భాటియాకు సూచించారు. బీబీనగర్ ఎయిమ్స్ ను ఆయన శనివారం శాసనసభ్యుడు కుంభం అనిల్ కుమార్ రెడ్డి, ఇతర కాంగ్రెస్ నాయకులతో కలిసి సందర్శించారు. ఉదయం పదిన్నర గంటలకు ఎయిమ్స్ కు చేరుకున్న వీరికి ఎగ్జిక్యూటివ్ డైరెక్టర్ వికాస్ భాటియా, ఇతర వైద్య అధికారులు స్వాగతం పలికి లోపలికి వెళ్లారు. ముందుగా ఎయిమ్స్ నమూనా చూపించిన ఎగ్జిటివ్ డైరెక్టర్ నిర్మాణాలకు సంబంధించి ప్రతి బ్లాక్ ఎంత మేరకు పని పూర్తయింది, ఇంకా ఎంతమేరకు పెండింగ్లో వున్నది వివరించబడింది. తర్వాత ఎంపీ, ఎమ్మెల్యేలను తోడ్కొని వివిధ విభాగాలను చూపించారు. ఎంపీ బ్లడ్ బ్యాంక్, ప్రయోగశాలలు తిరిగి చూశారు. వాటి పనితీరు గురించి అడిగి తెలుసుకున్నారు. ఆసుపత్రి భవనాలు, అడ్మినిస్ట్రేషన్ బిల్డింగ్ తిరిగి చూశారు. వైద్యకళాశాల, పరిపాలన, ఆసుపత్రిలో సేవలను, విద్యార్థుల చదువుల గురించి ఎగ్జిక్యూటివ్ డైరెక్టర్ ప్రొఫెసర్ డాక్టర్ వికాస్ బాటియను అడిగి తెలుసుకున్నారు. అవుట్ పేషంట్స్కి వెళ్లి అక్కడికి వచ్చిన రోగులు, వారి బంధువులతో మాట్లాడారు.
అనంతరం ఏఈ అధికారులతో ఎంపీ కిరణ్ కుమార్ రెడ్డి సమీక్ష నిర్వహించారు. ఈ సందర్భంగా ఈ ఆసుపత్రి ద్వారా ప్రజలకు అందుతున్న సేవలు, గ్రామీణ ప్రాంతాలకు ఏవిధంగా సేవలను విస్తరిస్తున్నదీ కూడా పవర్ పాయింట్ ప్రజెంటేషన్ ద్వారా డైరెక్టర్ వికాస్ భాటియా వివరించారు. ఈ సందర్భంగా ఎంపీ మాట్లాడుతూ, ఇంకా అవసరమైన వైద్యసేవలకు సంబంధించి చాలా తొందరలో ఆయా విభాగాలను ప్రారంభింపజేయాలని అధికారులను నియమించారు. అలాగే ప్రతినెలా తాను ఈయిమ్స్ ను సందర్శిస్తా, ఇక్కడ లోటుపాట్లు ఏమైనా ఉంటే తనకు తెలుసని, సంబంధిత అధికారులతో చర్చించి వాటి పరిష్కారానికి కృషి చేస్తానని హామీ ఇచ్చారు. అలాగే టెక్నికల్, నాన్ టెక్నికల్, దిగువ తరగతి ఉద్యోగాలకు సంబంధించి ఔట్ సోర్సింగ్ ద్వారా నియామకాల తీరుతెన్నులను అడిగి తెలుసుకున్నారు. ఔట్ సోర్సింగ్ నియామకాల సమయంలో స్థానికులకు ప్రాధాన్యత కల్పించాలని అధికారులను నియమించారు. ఆరునెలలలో నిర్మాణాలు పూర్తయ్యాయి, అన్ని బ్లాకులు అందుబాటులోకి వస్తాయని ఈ సందర్భంగా ఎగ్జిక్యూటివ్ డైరెక్టర్ వికాస్ భాటియా తెలిపారు. ఈ పర్యటనలో ఎంపీ, ఎమ్మెల్యేలతో పాటు జిల్లా కలెక్టర్ హనుమంతు కె.జెండగే, కాంగ్రెస్ నాయకులు పొట్టోళ్ల శ్యామ్ గౌడ్, గోలి పింగళ్ రెడ్డి, బీబీనగర్ మండల కాంగ్రెస్ అధ్యక్షుడు సురకంటి సత్తిరెడ్డి, జడ్పీటీసీ సభ్యురాలు గోలి ప్రణీత, జడ్పీటీసీ సభ్యుడు గోలి నరేందర్ రెడ్డి, కాంగ్రెస్ పట్టణ శాఖ అధ్యక్షుడు పంజాల పెంటయ్య గౌడ్, ఎయిమ్స్ మెడికల్ సూపరింటెండెంట్ అభిషేక్ అరోరా, వైద్యులు శ్యామల అయ్యర్, బిపిన్ వర్ఘీస్, సంగీత సంపత్ తర్వాత.
