- హెల్త్ సెక్టార్ పై రాష్ట్ర ప్రభుత్వం ప్రత్యేక దృష్టి సారించడం అభినందనీయం
- ఆరోగ్య రంగంలో ఆంధ్రప్రదేశ్ కు పూర్తి స్థాయిలో సహకరిస్తాం
- ఆరోగ్య భారత్, న’వ భారత నిర్మాణం వికసిత్ భారత్ సంకల్పయాత్ర లక్ష్యం
- కేంద్ర, రాష్ట్ర ప్రభుత్వాలు పరస్పర సహకారంతో ప్రజలకు మరింత మేలు
- పాత జీజీహెచ్ లో 2 క్రిటికల్ కేర్ బ్లాక్స్, బీఎస్ఎల్-3 ల్యాబ్ నిర్మాణ శంకుస్థాపన.. 7 ఐపీహెచ్ఎల్ ల్యాబ్స్ ప్రారంభం
- కేంద్ర ఆరోగ్య, కుటుంబ సంక్షేమం, రసాయనాలు మరియు ఔషధ శాఖామాత్యులు శ్రీ. మన్సుఖ్ మాండవీయ
ముద్రా ప్రతినిధి, విజయవాడ: ప్రజలు ఆరోగ్యంగా ఉంటేనే సమాజం ఆరోగ్యంగా ఉంటుందని కేంద్ర ఆరోగ్య, కుటుంబ సంక్షేమం, రసాయనాలు మరియు మందుల శాఖామాత్యులు శ్రీ. మన్సుఖ్ మాండవీయ అన్నారు. ఎన్టీఆర్, గుంటూరు జిల్లా పర్యటనలో భాగంగా విజయవాడలోని పాత ప్రభుత్వాస్పత్రిలోని రూ.25 కోట్లతో నిర్మించనున్న క్రిటికల్ కేర్ బ్లాక్, బీఎస్ఎల్-3 ల్యాబ్ నిర్మాణం ఆయన శుక్రవారం శంకుస్థాపన చేశారు. అనంతరం కొత్తగా నిర్మించిన 7 ఐపీహెచ్ఎల్ ల్యాబ్స్ కోసం.
అనంతరం.. గుంటూరు జిల్లా పొన్నూరు మండలం మామిళ్లపల్లి గ్రామంలో భారత్ నిర్మాణ సేవా కేంద్రం, వైఎస్సార్ విలేజ్ హెల్త్ క్లినిక్ ను మన్ సుఖ్ మాండవీయ సందర్శించారు. రాష్ట్ర ప్రభుత్వం ఆధ్వర్యంలో అక్కడ అమలవుతున్న ఫ్యామిలీ డాక్టర్ కాన్సెప్ట్ ను పరిశీలించారు. ఆ తర్వాత ‘వికసిత్ భారత్ సంకల్ప యాత్ర’ సభ జరుగుతుంది.
ఈ కార్యక్రమంలో కేంద్ర వైద్య ఆరోగ్యశాఖ జైంట్ సెక్రటరీ శ్రీ. అశోక్బాబు, రాష్ట్ర వైద్య, ఆరోగ్య మరియు కుటుంబ సంక్షేమ శాఖామంత్రి శ్రీమతి. విడదల రజిని, విజయవాడ ఎంపీ శ్రీ. కేశినేని నాని, అనకాపల్లి ఎంపీ శ్రీమతి. సత్యవతి, రాష్ట్ర ప్లానింగ్ బోర్డ్ వైస్ ఛైర్మన్, విజయవాడ సెంట్రల్ శాసనసభ్యులు శ్రీ. మల్లాది విష్ణు, నగర మేయర్ శ్రీమతి. రాయన భాగ్యలక్ష్మీ, రాష్ట్ర వైద్య ఆరోగ్యశాఖ స్పెషల్ సీఈఎస్ శ్రీ. ఎం.టి. కృష్ణబాబు, కమిషనర్ శ్రీ. జె.నివాస్, ఏపీఎంఎస్ఐడీసీ ఎండీ శ్రీ. మురళీధర్ రెడ్డి, ఎన్టీఆర్ జిల్లా కలెక్టర్ శ్రీ. ఎస్. ఢిల్లీరావు, ఐఏఎస్లు స్వప్నిల్ దినకర్ పుండ్కర్, భావన, అశోక్, లత గణపతి, సబ్ కలెక్టర్ అదితి సింగ్, జేసీ రాజకుమారి, మెడికల్ ఎడ్యూకేషన్ డైరెక్టర్ డా. నరసింహం, డీఎంహెచ్వో డా. ఎం. సుహాసిని, జీజీహెచ్ సూపరింటెండెంట్ డా.డి.వెంకటేష్, వైద్యాధికారులు, సిబ్బంది తదితరులు ఉన్నారు.
ఈ సందర్భంగా మన్సుఖ్ మాండవీయ మాట్లాడుతూ.. ఏపీలో వైద్య ఆరోగ్యశాఖ పనితీరు చాలా బాగుందని ప్రశంసించారు. కేంద్ర, రాష్ట్ర ప్రభుత్వాల పరస్పర సహకారంతో ప్రజలకు మరింత మేలు జరుగుతాయి. హెల్త్ సెక్టార్ పై ఏపీ ప్రత్యేక దృష్టి సారించడం అభినందనీయమని.. ఆరోగ్య రంగంలో రాష్ట్ర ప్రభుత్వానికి పూర్తి స్థాయిలో సహకరిస్తామని స్పష్టం చేశారు. ప్రధాని నరేంద్రమోదీ సైతం వైద్య ఆరోగ్యరంగానికి పెద్దపీట వేస్తున్నారు. ఇందులో భాగంగా 1.70 లక్షల ఆయుష్మాన్ ఆరోగ్య కేంద్రాలు ప్రజలకు సేవలు అందిస్తున్నాయని చెప్పారు. 10 రకాల పరీక్షలు అందుబాటులో ఉన్నాయని.. పెద్ద అనారోగ్య సమస్యలకు సైతం ఆయుష్మాన్ ఆరోగ్య కేంద్రాల్లో వైద్యసేవలు లభిస్తున్నాయి. 67 ఏళ్ల కాలంలో 350 ప్రభుత్వ మెడికల్ కాలేజీలు ఉంటే ఆ సంఖ్య ఈ 9 ఏళ్లలోనే 707కు చేరింది. ఇందులో 54 వేలు ఉన్న ఎంబీబీఎస్ సీట్ల సంఖ్య ప్రస్తుతం లక్షా ఏడు వేలకు పెరిగింది. ఆయుష్మాన్ భారత్ ద్వారా రూ. 5 లక్షల వరకు ఉచితంగా చికిత్స అందించడం జరిగింది. ఆంధ్రప్రదేశ్ ప్రభుత్వం వైద్య ఆరోగ్య రంగ అభివృద్ధికి చేస్తున్న కృషి అభినందనీయనీయమైన ప్రశంసలు. రాష్ట్రాభివృద్ధిని కాంక్షిస్తూ వైద్య రంగ పనులకు రాష్ట్ర ఆరోగ్యశాఖ మంత్రి విడదల రజిని, ఎంపీ సత్యవతి, స్పెషల్ ఎస్ఐ శ్రీ. ఎం.టి. కృష్ణబాబు చేసిన కృషి అభినందనీయమన్నారు.
రాష్ట్ర వైద్య ఆరోగ్య, కుటుంబ సంక్షేమ శాఖామంత్రి శ్రీమతి. విడదల రజిని మాట్లాడుతూ.. కేంద్ర, ప్రభుత్వ సహకారంతో రాష్ట్ర వైద్య రంగ మౌలిక వసతులను బలోపేతం చేసే క్రిటికల్ కేర్ బ్లాక్లకు, బీఎస్ఎల్-3 ల్యాబ్కు శంకుస్థాపన చేయడం సంతోషకరమన్నారు. ఇదే సందర్భంలో రాష్ట్రవ్యాప్తంగా 7 ఇంటిగ్రేటెడ్ పబ్లిక్ హెల్త్ ల్యాబ్లను ప్రారంభించడం ఆనందంగా ఉంది. దేశ వ్యాప్తంగా పది బీఎస్ఎల్-3 ల్యాబ్లు అందించినట్లయితే వాటిలో ఒక ల్యాబ్ను రాష్ట్రానికి అందించినందుకు కేంద్ర వైద్య, ఆరోగ్య శాఖ మంత్రి మన్ సుఖ్ మాండవీయకు ధన్యవాదాలు తెలిపారు. ఆరోగ్య రంగంలో ఎదురయ్యే సవాళ్లను ఎదుర్కొనేందుకు ఈ బీఎస్ఎల్-3 ల్యాబ్లు దోహదం చేస్తాయన్నారు. దీనికితోడు రాష్ట్ర ముఖ్యమంత్రి శ్రీ. వై.ఎస్. జగన్ మోహన్ రెడ్డి రాష్ట్రంలో వైద్య ఆరోగ్య రంగాన్ని పూర్తి స్థాయిలో బలోపేతం చేయడానికి వచ్చిన తొలి రోజు నుంచి ఎంతో కృషిచేస్తున్నార’ని స్పష్టం చేశారు. రూ. 25 లక్షల వరకు ఉచితంగా వైద్య సేవలు అందిస్తున్న డా.వైఎస్సార్ ఆరోగ్యశ్రీ పథకాన్ని అమలు తెలియజేశారు. రూ.8,480 కోట్ల వ్యయంతో రాష్ట్రవ్యాప్తంగా 17 ప్రభుత్వ మెడికల్ కాలేజీల నిర్మాణం చేపట్టారని.. వీటిలో ఇప్పటికే 5 ప్రభుత్వ మెడికల్ కాలేజీలను ప్రారంభించడం జరిగింది. నాడు-నేడు కార్యక్రమంలో భాగంగా ప్రభుత్వ ఆస్పత్రులను ఆధునికీకరించడంతో పాటు మౌలిక వసతులు కల్పించడం జరిగింది. భారత్ను 2047 నాటికి అభివృద్ధి చెందిన దేశంగా రూపొందించిన వికసిత్ భారత్ సంకల్ప సిద్ధి దిశగా ముఖ్యమంత్రి శ్రీ. వై.ఎస్. జగన్ మోహన్ రెడ్డి గారి ఆమోదం రాష్ట్ర ప్రభుత్వం పయనిస్తోందని విడదల రజని స్పష్టం చేశారు.
పార్లమెంటు సభ్యులు కేశినేని శ్రీనివాస్ (నాని ) మాట్లాడుతూ.. పేద ధనిక అనే తారతమ్యం లేకుండా ప్రతి ఒక్కరికీ ప్రస్తుతం అనారోగ్యంగా మారిన పెద్ద సమస్యగా మారింది. కోవిడ్ అనంతరం ప్రధాని మోదీ ప్రజారోగ్యం పట్ల ప్రత్యేక చర్యలు తీసుకుంటున్నారు. భాగంగా విజయవాడలో పాత ప్రభుత్వ ఆసుపత్రిలో క్రిటికల్ కేర్ యూనిట్ ఏర్పాటుకు నిధులు ఇవ్వడం పట్ల కృతజ్ఞతలు తెలిపారు. మంగళగిరిలో నిర్మించిన ఎయిమ్స్ ద్వారా ఆధునిక వైద్య సేవలు అందుబాటులోకి వచ్చాయి.
రాష్ట్ర ప్లానింగ్ బోర్డు వైస్ చైర్మన్, ఎమ్మెల్యే శ్రీ. మల్లాది మాట్లాడుతూ.. భవిష్యత్తును దృష్టిలో పెట్టుకొని వైద్య రంగం పట్ల ఏపీ ప్రభుత్వం ప్రత్యేక శ్రద్ధ తీసుకోవడం జరిగింది. నాడు -నేడు కార్యక్రమం ద్వారా ప్రతి పేదవానికి అత్యాధునిక వైద్య సేవలు అందిస్తున్నారు.
రాష్ట్ర వైద్య ఆరోగ్యశాఖ స్పెషల్ సీఈఎస్ శ్రీ. ఎం.టి. కృష్ణబాబు మాట్లాడుతూ.. ఆయుష్మాన్ భారత్ హెల్త్ ఇన్ఫ్రాస్ట్రక్చర్ మిషన్ (ABHIM) ద్వారా రోగ నిర్ధారణ సేవలతో పాటు చికిత్సకు సంబంధించిన అత్యాధునిక వైద్య సదుపాయం అందుబాటులోకి తీసుకురావడం జరిగింది. కోవిడ్ అనంతరం భవిష్యత్తులో ఆరోగ్యం పరంగా ఎటువంటి విపత్తును ఎదుర్కొనేందుకు కేంద్ర ప్రభుత్వం దేశ వ్యాప్తంగా క్రిటికల్ కేర్ బ్లాక్స్ ఏర్పాటు చేస్తోంది. ఈ మేరకు రాష్ట్రవ్యాప్తంగా ఏర్పాటవుతున్న 14 క్రిటికల్ కేర్ బ్లాక్లతో పాటు ఇంటిగ్రేటెడ్ పబ్లిక్ హెల్త్ లేబరేటరీస్ (IPHL), బయో సేఫ్టీ లెవెల్-3 (BSL-3) లేబరేటరీలతో అత్యాధునిక వైద్య సౌకర్యాలు అందుబాటులోకి వచ్చాయి. పీఎంజేఏవై ద్వారా రూ.5 లక్షల వరకు, డా.వైఎస్సార్ ఆరోగ్యశ్రీ ద్వారా రూ.25 లక్షల వరకు ఉచిత వైద్యసేవలు అందుబాటులో ఉన్నాయి. ఇప్పటికే క్యాన్సర్ వంటి వ్యాధులు ఎంత ఖర్చయినా పూర్తి ఉచితంగా చికిత్స అందించడం జరుగుతూనే ఉంది.
ఈ సందర్భంగా పాతజీహెచ్ ప్రాంగణంలో, మామిళ్లపల్లి గ్రామంలో ఏర్పాటు చేసిన ఫొటో ఎగ్జిబిషన్ ను, కేంద్ర, రాష్ట్ర ప్రభుత్వ శాఖల ఏర్పాటును ఏర్పాటు చేసిన పలు స్టాళ్లను కేంద్రమంత్రి మన్ సుఖ్ మాండవీయ సందర్శించారు. జ్యోతిప్రజ్వలన చేసి కార్యక్రమాలు. మామిళ్లపల్లి గ్రామంలో ఏర్పాటు చేసిన సభలో కేంద్రమంత్రి మాండవీయ హిందీ ప్రసంగాన్ని రాష్ట్ర వైద్య ఆరోగ్యశాఖ స్పెషల్ ఎస్ఈఎస్ శ్రీ. ఎం.టి. కృష్ణబాబు తెలుగులోకి అనువదించి చెప్పారు. అనంతరం.. స్వచ్ఛ భారత్ గీతానికి పలువురు విద్యార్థులు చేసిన నృత్యం వీక్షకులను ఆకట్టుకుంది. ఈ సందర్భంగా.. కేంద్రమంత్రి మన్ సుఖ్ మాండవీయను శాలువా, మెమెంటోతో మంత్రి విడదల రజిని, స్పెషల్ సీఎస్ ఎం.టి కృష్ణబాబు సన్మానించారు. మంత్రి విడదల రజినిని కేంద్రమంత్రి మన్ సుఖ్ మాండవీయ శాలువా, మెమెంటోతో సన్మానించారు. ఐఏఎస్లు అశోక్, లత గణపతిలను కూడా స్పెషల్ ఎస్ఈఎస్ ఎం.టి. కృష్ణబాబు శాలువా, మెమెంటోతో సన్మానించారు.
