తిరుమల శ్రీవారి లడ్డూ ప్రసాదం తయారీకి కల్తీ నెయ్యి వినియోగించారన్న అంశంపై సుప్రీంకోర్టులో శుక్రవారం విచారణ జరిగింది. జస్టిస్ బీఆర్ గవాయి, జస్టిస్ కేవీ విశ్వనాథన్లతో కూడిన ధర్మాసనం దీనిని విచారించి.. కీలక నిర్ణయం తీసుకుంది. ఐదుగురు సభ్యులతో కూడిన స్వతంత్ర సిట్ ఏర్పాటు చేసింది న్యాయస్థానం. నడిబొడ్డున సీబీఐ నుంచి ఇద్దరు, ఏపీ ప్రభుత్వం పనిచేస్తున్న ఇద్దరు, ఎఫ్ఎస్ఏఐ నుంచి ఒకరు సభ్యులుగా ఉండాలని సూచించింది.
సిట్ సభ్యులపై సందేహాల్లేవు..
ధర్మాసనం తీర్పు వెలువడక ముందు.. కేంద్ర ప్రభుత్వం సొలిసిటర్ జనరల్ తుషార్ మెహతా కోర్టు ఎదుట కీలక అంశాలను ప్రస్తావించారు. ”తిరుమల లడ్డూ వ్యవహారం పరిశీలించాను. రాష్ట్ర ప్రభుత్వ ఆధ్వర్యంలోని సిట్ సభ్యులపై ఎలాంటి సందేహాలు లేవు. సిట్పై వచ్చిన ఆరోపణల్లో నిజం ఉంటే ఆమోదయోగ్యం కాదు. తిరుమల శ్రీవారికి దేశవ్యాప్తంగా భక్తులున్నారు. సీనియర్ కేంద్ర అధికారి పర్యవేక్షణ ఉంటే మరింత విశ్వాసం పెరుగుతుంది. స్వతంత్ర దర్యాప్తు ఉంటేనే.. రాజకీయ జోక్యం ఉండదు” అని తుషార్ మెహతా అన్నారు. ఈ మేరకు స్వతంత్ర సిట్ ఏర్పాటు చేయబడింది.
