7
సెంట్రల్ యూనివర్శిటీ, గిరిజన యూనివర్శిటీకి కేటాయింపులు ఏమీలేవు. సెంట్రల్ యూనివర్శిటీకి గత బడ్జెట్ (2023-24)లో రూ.112.08 కోట్లు కేటాయించగా, ఈసారి కేటాయింపులేమీలేవు. గిరిజన యూనివర్శిటీకి కూడా గత బడ్జెట్లో రూ.40.67 కోట్లు కేటాయించారు, ఈసారి ఏమీ కేటాయించలేదు. కేంద్ర విద్యా సంస్థలు ఐఐటీ, ఐఐఎం, ఎన్ఐటీ, ఐఐఎస్ఈఆర్, ట్రిపుల్ ఐటీ, ఎయిమ్స్ వంటి వాటికి కేటాయింపులు చేయలేదు. విశాఖ రైల్వేజోన్, కడప ఉక్కు పరిశ్రమ, దుగ్గిరాజపట్నం పోర్టు, రాజధాని నిర్మాణ నిధులు, పోలవరం వంటి వాటికి మొండిచేయి మిగిలింది. వైజాగ్, విజయవాడ మెట్రోలకు సంబంధించి బడ్జెట్లో ఊసేలేదు. వెనుకబడిన జిల్లా నిధుల గురించి కనీసం ప్రస్తావనే లేదు. మరి ఈసారి కూడా ఇలానే ఉంటే కష్టమే అవుతుంది.
