ఖమ్మం జిల్లా తల్లాడ మండలం మిట్టపల్లి గ్రామంలో రేషన్దుకాణంలో బియ్యం బస్తాలు స్థానంలో వరిపొట్టు బస్తాలు ఏర్పాటు చేసిన రేషన్ డీలర్

తెలంగాణ రాష్ట్రం ఖమ్మం జిల్లా తల్లాడ మండలం మిట్టపల్లిలోని రేషన్​ దుకాణం-5లో బియ్యం నిల్వల్లో తేడా రావడంతో శుక్రవారం రెవెన్యూ అధికారులు రేషన్​ దుకాణంలో తనిఖీలు చేసి, సీజ్​ చేశారు. వీరికి విస్తుపోయే నిజాలు తెలిశాయి. తహసీల్దార్​ ఎ.వనజ ఆదేశాల మేరకు ఆర్​ఐ ఖాజామోహీనుద్దీన్​ దుకాణాన్ని తనిఖీ చేశారు. అక్కడ 58 క్వింటాళ్ల బియ్యం నిల్వ ఉండాల్సి ఉండగా, కేవలం 25 క్వింటాళ్లు మాత్రమే ఉన్నాయి. మిగిలిన 33 క్వింటాళ్ల బియ్యం స్థానంలో బస్తాల్లో వరిపొట్టును నింపి ఉంచటం తనిఖీల్లో గుర్తించారు. వెంటనే రేషన్​ డీలర్​ వేద మహేశ్వరిపై 6ఏ కేసు నమోదు చేసి, దుకాణాన్ని రెవెన్యూ అధికారులు సీజ్​ చేశారు.