- కేరళ రాష్ట్రంలోని వయనాడ్ లో ఘోరం
- ఎడతెరిపి లేని వానలతో జిల్లా అతలాకుతలం
- ఐఏఎఫ్ హెలికాఫ్టర్లతో రెస్క్యూ ఆపరేషన్ ముమ్మరం
- కేరళ సీఎం పినరయి విజయన్కు మోడీ ఫోన్
- అండగా ఉంటామంటూ భరోసా
- వయనాడ్ను ఆదుకోవాలని కేంద్రానికి రాహుల్ గాంధీ వినతి
- రెండు రోజులు సంతాప దినాలు ప్రకటించిన రాష్ట్ర ప్రభుత్వం
వయనాడ్: పశ్చిమ కనుమల నడుమ ఆహ్లాదంగా ఉండే కేరళలోని వయనాడ్ జిల్లా ఇప్పుడు ప్రకృతి ప్రకోపంతో అతలాకుతలమైంది. భారీ వర్షం కారణంగా కొండచరియలు విరిగిపడి బీభత్సం సృష్టించాయి. వయనాడ్ జిల్లాలో మంగళవారం తెల్లవారుజామున ఘోర ప్రమాదం జరిగింది. మెప్పాడి సమీపంలోని వివిధ ప్రాంతాలు భారీ కొండ చరియలు విరిగిపడ్డాయి. ఈ ఘటనలో 107 మంది మృతి చెందారు. వందలాది ఇళ్లు నేలమట్టమయ్యాయి. దీనితో పదుల సంఖ్యలో ప్రాణాలు ఆ శిథిలాల కింద అసువులుబాశాయి. వయనాడ్ నిర్దేశించిన మెప్పాడి, ముండకై, చురల్మల ప్రాంతాలలో చోటుచేసుకున్న ఈ ఘోర విపత్తులో ఇప్పటివరకు 107 మంది పేర్లతో కూడిన రాష్ట్ర జాబితా స్థానం ఉంది. మరో 116 మంది గాయపడినట్లు.
సహాయక శిబిరంపైనా బండరాళ్లు..
మొదట అర్ధరాత్రి ఒంటిగంట సమయంలో ముండకై ప్రాంతంలో కొండచరియలు విరిగిపడ్డాయి. సమాచారమందుకున్న రెస్క్యూ సిబ్బంది వెంటనే అక్కడకు వెళ్లి సహాయక చర్యలు చేపట్టారు. కొంతమంది బాధితులను సమీపంలోని చురల్మల స్కూల్ వద్ద ఏర్పాటు చేసిన సహాయక శిబిరానికి పంపించారు. అయితే తెల్లవారుజామున 4 గంటలకు ఈ స్కూల్ సమీపంలో మరోసారి కొండచరియలు పడ్డాయి. దీంతో శిబిరం సహా చుట్టుపక్కల ఇళ్లు, దుకాణాలు బురదలో కొట్టుకుపోయాయి.
ఎడతెరిపిలేని వర్షం..
కొండచరియల పడడంతో వందల సంఖ్యలో ఇళ్లు ధ్వంసమయ్యాయి. అనేక వాహనాలు కొట్టుకుపోయాయి. చురల్మలలో కొంత భాగం తుడిచి పెట్టుకుపోయింది. అనేక మంది శిథిలాల కింద చిక్కుకుని సాయం కోసం ఆర్తనాదాలు చేస్తున్నారు. వీరిని కాపాడేందుకు సహాయక బృందాలు రంగంలోకి దిగాయి. ఆర్మీ, ఎన్డీఆర్ఎఫ్ సాయంతో రెస్క్యూ ఆపరేషన్ కొనసాగుతోంది. అయితే ఎడతెరిపి లేని వర్షం కారణంగా సహాయక చర్యలకు తీవ్ర ఆటంకం ఏర్పడుతోంది. ముండకాయిలో ఈ మధ్యాహ్నం మరోసారి కొండచరియలు విరిగిపడినట్లు సమాచారం. వరద, బురద ప్రవాహంతో వందల మంది కొట్టుకుపోయినట్లు సమాచారం. వారి ఆచూకీ కోసం సహాయక బృందాలు గాలింపు చేపడుతున్నారు. డ్రోన్లు, జాగిలాలతో అన్వేషణ సాగిస్తున్నారు. మరోవైపు, వయనాడ్ విపత్తు నేపథ్యంలో రాష్ట్ర ప్రభుత్వం రేపటి నుంచి రెండు రోజులు సంతాపదినాగా ప్రకటించింది.
ఐఏఎఫ్ హెలికాఫ్టర్లతో రెస్క్యూ ఆపరేషన్ ముమ్మరం..
వయనాడ్లోని చూరల్ మాల ప్రాంతంలో ఐఏఎఫ్ హెలికాఫ్టర్లు రంగంలోకి దిగడంతో రెస్క్యూ ఆపరేషన్ వేగవంతమైంది. శిధిలాల కింద చిక్కుకుపోయిన బాధితులను గుర్తించేందుకు శ్రమిస్తున్నారు.
ప్రధాని భరోసా..
వయనాడ్లో కొండచరియలు విరిగిపడడంతో సీఎం పినరయి విజయన్తో ప్రధాని నరేంద్ర మోదీ మాట్లాడారు. కేంద్ర ప్రభుత్వం నుంచి సాయం అందజేస్తామని చెప్పారు. ‘వయనాడ్లో కొండచరియలు విరిగిపడిన ఘటన బాధాకరం. ఈ విషాద ఘటనలో కొందరు ప్రాణాలు కోల్పోయారు. గాయపడిన వారు త్వరగా కోలుకోవాలి. కొన్ని గ్రామాల్లోకి భారీగా వరదనీరు వచ్చి చేరింది. వారిని కాపాడేందుకు సహాయక చర్యలు కొనసాగుతున్నాయి. ఇదే అంశంపై కేరళ సీఎం పినరయి విజయన్తో మాట్లాడా. ఈ కష్ట సమయంలో కేరళ ప్రభుత్వానికి అండగా ఉంటాం, కావాల్సిన సాయం అందజేస్తాం’ అని ప్రధాని మోదీ సోషల్ మీడియా ఎక్స్లో ట్వీట్ చేశారు.
కేంద్రానికి రాహుల్ వినతి..
వయనాడ్లో కొండచరియలు విరిగి భారీగా ప్రాణనష్టం జరగడంతో కేంద్ర ప్రభుత్వం అన్నివిధాలా ఆదుకోవాలని లోక్సభలో ప్రతిపక్ష నేత రాహుల్ గాంధీ చర్చించారు. ప్రకృతి వైపరీత్యంలో బాధితులకు తక్షణ పరిహారం ఇవ్వబడుతుంది. ‘ఈరోజు ఉదయం కొండచరియలు విరిగిపడడంతో వయనాడు అతలాకుతలమైంది. 45 మందికి పైగా ప్రాణాలు కోల్పోయారు. ముండక్కై ప్రాంతంతో సంబంధాలు తెగిపోయాయి. భారీగా జరిగిన ప్రాణనష్టం, ఆస్తి నష్టాన్ని ఇంకా అంచనా వేయాల్సి ఉంది’ అని రాహుల్ అన్నారు. వరదల కోసం సీఎం నిధుల నుంచి రూ.5 కోట్లు విడుదల చేయడానికి సీఎం స్టాలిన్ అధికారులను కేటాయించారు. 20 మంది అగ్నిమాపక సిబ్బంది, 10 మంది డాక్టర్లతో కూడిన వైద్య బృందాన్ని కేరళకు పంపించారు.
