ముద్ర,సెంట్రల్ డెస్క్:- పారిస్‌ ఒలింపిక్స్‌లో టేబుల్ టెన్నిస్ ఈవెంట్‌లో భారత క్రీడాకారిణి ఆకుల శ్రీజ శుభారంభాన్ని ఇచ్చింది. ఆదివారం జరిగిన టేబుల్ టెన్నిస్ మహిళల సింగిల్స్ 64వ రౌండ్‌లో ఆకుల శ్రీజ 11-4, 11-9, 11-7, 11-8 తేడాతో స్వీడన్‌కు చెందిన క్రిస్టీనాను ఓడించి విజయం సాధించింది.30 నిమిషాల్లోనే ముగిసిన ఈ మ్యాచ్‌లో శ్రీజ ఆట తన చేతుల్లోకి తీసుకుంది.
మహిళల సింగిల్స్ రౌండ్‌ 64లో స్వీడన్‌ క్రీడాకారిణి క్రిస్టినా కల్‌బర్గ్‌పై 11-4 11-7 11-9 11-8 తేడాతో భారత అగ్రశ్రేణి పాడ్లర్‌ శ్రీజ అకుల అద్భుత విజయం సాధించింది. pic.twitter.com/jRe3HxGHG6
— SAI మీడియా (@Media_SAI) జూలై 28, 2024
4-0 తో క్రిస్టీనాను తెలుగు తేజం శ్రీజ చిత్తు చేసింది. 32వ రౌండ్‌లో ఆకుల శ్రీజ జియాన్ జెంగ్ లేదా ఇవానా మలోబాబిక్‌తో తలపడనుంది. తొలిసారి ఒలింపిక్ క్రీడల్లో పాల్గొన్న ఆకుల శ్రీజ ఈ సారి దేశానికి ఎలాగైనా పతకాన్ని తీసుకురావాలని గట్టి కసి మీద ఉంది.
