సాధారణంగా తమకు కాబోయే భార్య లేదా భర్తకు పెళ్లికి ముందే సర్ప్రైజ్ గిఫ్ట్ లు ఇస్తూ ఉంటారు. వారి పుట్టినరోజుకో లేదా వేరే అకేషన్ కో ప్రత్యేక బహుమతులను ప్లాన్ చేస్తారు. తాజాగా ఓ బిగ్ బాస్ బ్యూటీ తనకు కాబోయే భర్తకు పుట్టినరోజు కానుకగా ఏకంగా ఓ కాస్ట్లీ కారును గిఫ్ట్ గా ఇచ్చింది. ఇందుకు సంబంధించిన ఫొటోలు నెట్టింట వైరల్‌గా మారాయి. కాగా.. ఇటీవలే ఈ జోడీ ఎంగేజ్ మెంట్ కూడా చేసింది. మరి కాబోయే భర్తకు కారు బహుమతిగా ఇచ్చిన బిగ్ బాస్ బ్యూటీ ఎవరు? ఆ కారు ధరెంతో తెలుసుకుందాం పదండి.
బిగ్ బాస్ సీజన్ 7 ద్వారా గుర్తింపు తెచ్చుకున్న యాక్టర్స్ లో శోభాశెట్టి ఒకరు. ఈ సీజన్ లో ఎలాంటి రీజన్స్ పెద్దగా లేకున్నాగానీ.. వ్యతిరేకతను ఎదుర్కొంది ఈ బ్యూటీ. ఇక బిగ్ బాస్ లోకి రాకముందే.. శోభాశెట్టి ‘కార్తీక దీపం’ సీరియల్ ద్వారా అందరికి పరిచయమే. ఈ సీరియల్ లో మోనిత అనే విలన్ పాత్రలో శోభా ఆకట్టుకుంది. ఒకటి, రెండు మూవీల్లో కూడా నటించింది. ఇదిలా ఉండగా.. కార్తీక దీపం సీరియల్లో నటించిన తన సహనటుడు యశ్వంత్ తో రీసెంట్ గా ఎంగేజ్ మెంట్ చేస్తుంది శోభ. ఈ సీరియల్ లో నటిస్తున్నప్పుడే వీరిద్దరి మధ్య ఏర్పడిన స్నేహం.. ప్రేమకు దారితీసింది. దాంతో ఇద్దరు పెళ్లికి సిద్దమయ్యారు. నిశ్చితార్థంతో పాటుగా ఇటీవలే కొత్త ఇంటికి కూడా ఆమె పెట్టింది.
ఇదంతా కాసేపు పక్కనపెడితే.. తాజాగా తనకు కాబోయే భర్త యశ్వంత్ కు పుట్టినరోజు కానుకగా ఖరీదైన కారును గిప్ట్ గా ఇచ్చింది. బీస్ట్ ఎక్స్ యూవీ 700 కారును కొనుగోలు చేసి.. అతడికి బహుమతిగా ఇచ్చిన ఫొటోలు నెట్టింట వైరల్‌గా మారాయి. మార్కెట్ లో ఈ కారు ధర రూ. 15 లక్షల నుండి 20 లక్షల వరకు ఉన్నాయి. కాగా.. తనకు కాబోయే భర్త పుట్టినరోజుకే ఈ రేంజ్ గిఫ్ట్ ఇచ్చిందంటే.. ఇక పెళ్లికి ఏ రేంజ్ లో బహుమతి ఇస్తుందో అని అభిమానులు అనుకుంటున్నారు. మరి శోభాశెట్టి తాను పెళ్లి చేసుకోబోయే వ్యక్తికి కారు గిఫ్ట్ గా ఇవ్వడంపై మీ అభిప్రాయాలను కామెంట్స్ రూపంలో తెలియజేయండి.
